საიდუმლოს არ წარმოადგენს, რომ მაშინ, როდესაც სათავისოდ ვერ მიჰყავთ ინტერვიუ ან მოვლენები არ ვითარდება ისე, რომ ”საქმეს” ვერც მონტაჟი და ცრუ კომენტარები შველის, ხელისუფლების ტელევიზიები მომზადებულ სიუჟეტებს საერთოდ არ უშვებენ ეთერში. ამის ნათელი მაგალითია ქვემოთ მოცემული ორი სიუჟეტი, რომელიც ტ/კ ”იმედის” ეთერში უნდა გასულიყო.

პირველი ბმული ასახავს ამას წინანდელ ინტერვიუს ერეკლე მეორის საზოგადოების თავმჯდომარე არჩილ ჭყოიძესთან. საკმაოდ ვრცელი ინტერვიუს შემდეგ ”მოდელირებული ქრონიკის” ერთ-ერთი თანაავტორი ქალი ჟურნალისტი რესპონდენტს ეთანხმება იმ საკითხში, რომ რუსეთთან ურთიერთობების დაძაბვა მ. შ. ტელევიზიების საშუალებით ხელოვნურად ხდება.  სიუჟეტი ეთერში არ გასულა.

მეორე ბმული ასახავს გასული წლის ნოემბერში ”იმედის” ოფისთან მოწყობილ აქციას, რომელზეც გაპროტესტებულ იქნა ბადრი პატარკაციშვილის კუთვნილ ტელევიზიას დაპატრონებული სააკოიდური მარიონეტების მიერ მართლმადიდებელი ეკლესიის წინააღმდეგ გაჩაღებული პროვოკაციული და ცილისმწამებლური კამპანია.