უფლებადამცველთა გაერთიანება, რომლის თავმჯდომარე ცნობილი ადვოკატი და სატელევიზიო გადაცემის ავტორი ნიკოლოზ მჟავანაძეა, პრესრელიზს ავრცელებს და საქართველოს გენერალურ პროკურატურაში განცხადება შეაქვს მოთხოვნით, უსწრაფესი რეაგირება მოხდეს ეროვნებათშორისი შუღლის გაღვივების მცდელობაში შემჩნეული პოლიტიკური, ჟურნალისტური და სხვა „ელიტების“ წარმომადგენლების მიმართ. საქმე ეხება კონკრეტულ (და, სამწუხაროდ, მრავალრიცხოვან) ფაქტებს, როდესაც ადგილი აქვს რუსი ეროვნების პირების მიმართ განხორციელებულ ქმედებებს, რომლებშიც დანაშაულებები იკვეთება.
ევრაზიის ინსტიტუტის ხელმძღვანელის, გულბაათ რცხილაძის მიერ რუსეთის სახელმწიფო სათათბიროს წინაშე დასმულ იქნა საკითხი, რომ საქართველოს მოქალაქეებს მიენიჭოთ რუსეთის ტერიტორიაზე მუშაობის უფლება, დადგენილი კვოტების მიხედვით. ეს საშუალებას მისცემს საქართველოს უამრავ მოქალაქეს, ლეგალურად იშოვონ ფული რუსეთში, ნაცვლად იმისა, ევროპა-ამერიკაში უმძიმესი მუშაობით, არალეგალურ მდგომარეობაში, იარსებონ.